Prestaketa

Barbarinak

Ezkatak kendu ondoren, xerratu, eta hotzean gorde. Barbarinei hezurrak eta burua kendu, irinetan pasatu, eta frijitu olio berotan.

Oliba-beltz patata purea 

Patatak zuritu, zatitu, eta uretan egosi gatz pixka batekin. Egosita daudenean, ontzi batera sartu, eta gurin pixka bat, koilarakada bat oliba-beltz pasta eta gatza bota, eta dena nahastu. Oliba beltzak zatitu, eta purean sartu. Epelean gorde.

Baratxuri freskoak

Baratxuriak zuritu, eta ur berotan sartu minutu batez; xukatu, eta zartagin batean salteatu, olio berotan.

Apoperrexil olioa

Osagaiak ontzi batean sartu, irabiagailuarekin dena nahastu, eta geroko gorde.

Bukaera

Zartagin bat oliba olio tanta batekin berotu, eta barbarin xerrak pasatu; gutxi eginda utzi, eta plater batean jarri.Oliba-beltz patata purearekin malko bat egin, eta ondoan baratxuri freskoa jarri; apoperrexil olioarekin apaindu, eta barbarin hezur kurruskaria jarri.