Prestaketa

Arroz frijitua

Eltze batean ur irakinean arroza egosiko dugu 14 minutuz. Zartagin bat ondo berotu eta hirugihar zatiak txikituta bota oliba olio pixka batekin. Ondo berotu denean eta hirugihar zatiak ondo gorrituta daudenean, 2 arrautzak bota eta, frijitzen hasten direnean, espatula batekin arrautzak apurtzen hasi eta, ondoren, arroza bota. Ondo nahastu azkar mugituaz eta soja saltsa bota, baita jengibre birrindu pixka bat, tipulin adar-berdea eta baratxuri freskoa txikituta ere. Ondo nahasten jarraitu arroz aleak gorritu arte.

Bruselazak salteatuta

Bruselazei lehenengo orria kendu eta uretan egosi. Zartagin batean tipulina txikituta erregosten jarri karamelizatu arte. Bruselazak egosita daudenean, uretan hoztu, xukatu eta lautan moztu. Tipulina dagoen zartaginera bota eta dena ondo salteatu. Gatza bota.

Tomate eta baratxuri erre saltsa

Erretilu batean cherry tomateak eta baratxuri burua erditik moztuta jarri. Olio pixka bat bota eta laberatu 180ºC-tara gorritu arte. Ondoren, ontzi batean sartu mozzarella gaztarekin eta ondo birrindu. Perrexil txikituarekin amaitu.

Bukaera

Plater batean arroza jarri eta gainean bruselazak salteatuta. Ingurutik tomate erre saltsa jarri.