Prestaketa

Arto beltza ur hotzetan ongi garbitu, eltze azkarrean urik gabe jarri eta arin-arin txigortzen jarri (koilararekin bueltak eman). Dagokion ura eta gatza gehitu arto beltzari, itxi eta 25 minutuz egosi.

Txerri azpizunari gatza bota eta dadotan zatitu. Anana zuritu eta hau ere dadotan zatitu. Txerri azpizun zatiak eta anana dadoak zirian banan-bana sartu eta broxeta hauek plantxa batean frijitzen jarri. Alde guztietatik ongi gorritu.

Bien bitartean, saltsa egiteko, tipulatxa olio apur batekin erregosi, kakahuete krema, eztia eta edari begetala erantsi eta loditzen utzi. Loditu denean, bere horretan utzi edo, krema fina nahiko bagenu, birrindu. Epelean gorde.

Arto beltza eltzetik atera eta zartagin batean olio apur batekin “socarrat” testura lortu arte txigortzen utzi.

Aurkezpena

Plater batean broxetak ipini, alboan arto beltza duela. Plater berean, katilutxo batean, broxetak bustitzeko saltsa jarri.