17:56

Danborrada 2017

Balorazioa

25.000 donostiar, danborradaren egunean murgilduta

Agentziak | Erdakzioa

Udalak danborradan izandako parte-hartze 'anitza' azpimarratu du, baina 'erabateko berdintasuna' izan arte lan egiteko prest agertu da.

  • Whatsapp
  • Whatsapp
  • telegram
  • Bidali

Donostiako 25.000 bizilagun inguruk parte hartu zuen ostiralean San Sebastian egunez ospatzen den jaian, Donostia Kulturak jakitera eman duenez. Horrenbestez, donostiarren arteko % 13,44 festan era aktiboan murgiltzen dela nabarmendu dute, bai danborra edo upela joz, bai kantinera edo gastatzaile gisa hiriko kaleetatik desfilatuta.

Gainera, Konstituzio plazak ohi baino 160 metro koadro gehiago izan zituen publikoarentzat banderaren igoeran. Nola jendez bete ziren, uste dute zortzi mila bat lagun bildu zirela jaiari hasiera ematen dion ekitaldiaz gozatzeko.

Antzinako Liburutegiko eraikinetik Eneko Goia alkatea eta Club Vasco de Camping elkarteko ordezkariek izan zuten Donostiako bandera eta ikurrina igotzeko ardura, hurrenez hurren.

Ostiralean, Udaletxeko Osoko Bilkuren aretoak Hiritar Merezimenduaren Dominen ematea hartu zuen eta haurren danborradako 4.977 umeek zeru urdinpean eta hotz handiarekin desfilatu zuten Raimundo Sarriegiren martxako doinuei jarraikiz.

Desfilea ikustera 34.500 pertsona inguru bildu ziren. Auzoetako danborradetan ere ez zen aparteko ezer gertatu, eta banderaren jaitsiera ekitaldia "igoera bezain jendetsua" izan zen, aurten ostiralean izanik.

Banderaren jaitsieran, alkatearekin batera, Euskal Billera danborradako ordezkariak aritu ziren banderak jaisten, haurren danborrada sortu zuteneko 90. urteurrenaren kariaz.

"Festa bizia"

Alfonso Gurpegui Festa Jardueretako zinegotziak nabarmendu duenaren arabera, danborrada, beste behin ere, "festa bizia, sutsua eta sekulako osasuna duena" da, eta "emozio handiz bizi ohi dena".

Bere esanetan, festako parte-hartzea gero eta "anitzagoa da, bai belaunaldiei begira, bai integrazioari dagokionez"; alabaina, danborradan "erabateko berdintasuna" eman arte lan egiten jarraituko dutela adierazi du.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena