Baipasa
Sukalde kontuak
Babarrun zuri entsalada prestatu digu Enara Parrak mediterranear erara
Esther Murelaga | EITb Media
Errezeta hau tupper-ean sartu eta hondartzara edo mendira eramateko aproposa dela esan digu 'Roots and Cook' sukaldari atariko arduradunak: freskoa eta goxoa.
-
Babarrun zuri entsalada mediterranear erara
10:17 min
Enara Parra 'Blaipasako' sukaldari partikularrak eta 'Roots and Cook' sukaldari atariko arduradunak babarrun zuri entsalda prestatu digu gaurkoan mediterranear erarar. Hondartzara edo mendira tupper-ean sartuta eramateko plater fresko eta goxoa dela esan digu.
Hauek dira 4 pertsonentzat entsalada egiteko behar ditugun osagaiak:
-400 gr egositako babarrun txuriak
- Oliotan datozen 4 tomate lehor
- Tomate natural 1
- 1-2 azenario
- 20 kalamata oliba
- Tipula erdi bat
- Hegaluzea
- Parmesano gazta
- Oregano freskoa edo lehorra
- Oliba olioa
- Sagar ozpina
- Gatza
- Piperbeltza
Entsalada prestatzeko eman beharreko pausoak:
1-Lehenengo babarrunak irakazki batean ipini eta ur azpian ondo garbituko,eta ondoren entsaladera edo katilu handi batera pasatu.
2-Azenarioak zuritu eta laukitxotan moztuko ditugu taula gainean.
3-Tomate naturala, tomate lehorrak eta tipula ere laukitxoran moztuko ditugu eta babarrunak ditugun katilura botako ditugu.
4-Hegaluzea eta kalamata olibak ere gehituko ditugu katilura.
5-Dena ondo busti oliba olio, sagar ozpin, gatz eta piperbeltz pixkatekin.
6-Gehitu oregano lehor pixkat bat eta koilara haundi batekin ondo nahastu.
7-Goizean egin dezakezue eta hozkailuan gorde bazkaltzeko ordurarte.
8-Azken momentuan platerera atera eta pataten azala zuritzeko tresnarekin parmesano puska batzuk ipini entsalada gainean.
9-Azken toke bezela oregano fresko hosto batzuk eta listo.
ON EGIN!
