Goiz kronika asteburua
ELKARRIZKETA
Uriarte: "PSOE-Unidas Podemos koalizio gobernua ez dago arriskuan eta beste bi urte iraungo du"
ENERITZ GORROTXATEGI | EITb Media
Roberto Uriarte Unidas Podemoseko diputatua izan da Goiz Kronikan eta bertan adierazi du azken egunotako polemika edo hika-mikak izanagatik "sendo" dagoela koalizioa eta "ez dagoela beste gobernurik egiterik".
-
Roberto Uriarte, Unidas Podemoseko diputatua. Argazkia: EITB Media
9:24 min
Roberto Uriarte Unidas Podemoseko diputatuak Goiz Kronikan ukatu egin du PSOE eta Unidas Podemosen arteko koalizioa "arriskuan" dagoenik.
Bere hitzetan, bere garaian PPk onartutako lan erreforma bertan behera utzi behar duela adierazi du Pedro Sanchezek "behin baino gehiagotan", baina "aitzakia bat bestearen atzetik" jartzen ari dela esan du. Lan erreforma hori bertan behera uzteko Yolanda Diaz Lan Ministroaren eta Nadia Calviño Ekonomia ministroaren artean izandako tira-bira dela eta, zehaztu du "Diaz lan ministroari" dagokion gai bat dela.
Meritxell Batet Madrilgo Kongresuko presidenteak Alberto Rodriguez Unidas Podemoseko diputatuari akta kendu berri diola eta Unida Podemosek kereila iragarri du, "prebarikazioa" argudiatuta. Uriartek gai honen inguruan dio "herritarren ordezkari bati akta kentzea oso gauza larriengatik" egin behar dela eta ez "txikikeria" batengatik.
