Gaurtik aurrera "EN JAKE XL" gaueko saio berria, analisi politikorako programa Xabier Lapitzen eskutik

Ostegun honetan, urtarrilak 18, "EN JAKE XL" saio berria estreinatuko da ETB2n 22:30etik aurrera. Analisi eta gogoeta politikoko zuzeneko programa izango da, Xabier Lapitzek zuzendu eta aurkeztuta.

Eztabaida politikorako, aktualitatearen analisirako eta hausnarketarako saioa izango da, eta asteko albiste eta irudi garrantzitsuenak jorratuko dituzte. Informazioa aztertuko da, eta arreta berezia eskainiko zaio mahai politikoari. Bertan, hainbat kazetari eta politikarik beren iritzi eta ikuspuntuak eskainiko dituzte. Gainera, Leire Torresen pantailek 3D elementu berritzaileak izango dituzte, informazio are bisualagoa eskaintzeko.

"EN JAKE XL" ez da soilik izen bat; programa berriak Euskadiko gai politikoei eman nahi dien ikuspegiaren tamainari ere egiten dio erreferentzia. Izan ere, hauteskundeen atarian, hitzordu horrek bereganatuko ditu begirada guztiak programaren lehen hilabete hauetan. Inkesta demoskopikoek pisu espezifikoa izango dute, eta ostegun askotan Eva Silván politologoak galdeketen azken datuak eramango ditu platora, baita gogoeta eta datu interesgarrienen analisia ere, horiek guztiak testuinguruan jarriz eta boto asmoari dagokionez joeren zergatia azalduz.

Hauteskundeak eta Gaza, lehen programan

EAEko hauteskundeak zerumugan eta otsailerako Galizian deitutakoak, euskal politikaren pisua Madrilen eta Gazan bizi duten gerra, betetako 100 egunak gogora ekarrita, izango dira, besteak beste, "EN JAKE XL" saioak lehen ostegun honetan jorratuko dituen gaietako batzuk. Horretarako, Aitor Esteban (EAJ) eta Mertxe Aizpurua (EH Bildu) Kongresuko diputatuekin hitz egingo dute. Horrez gain, Anton Losada, Naiara Pinedo, Raquel Ecenarro eta Estitxu Garai izango dituzte platoan, eta Mikel Ayestaran EITBren Ekialde Hurbileko korrespontsalarekin ere egingo dute bat.

"EN JAKE XL", Xabier Lapitzen eskutik, ostegunero, 22:30ean, zuzenean, ETB2n eta eitb.eus-en.