Itxi

telebista

Kirolak

Futbola, herri kirolak, pilota eta saskibaloia, asteburuan

EiTB

Nabarmentzekoak dira saskibaloiko Erregina Kopako RPK Araski vs Perfumerias Avenida (larunbatean) eta Emakume Master Cupeko finalerdiak (igandean).

  • 2020ko Emakume Master Cup txapelketako kartela

    Emakume Master Cup txapelketako finalerdiak, igandean, Beasaindik

Kirol eskaintza zabala izango dugu asteburuan Euskal Telebistan eta eitb.eus-en. 

Hasteko, larunbatean, 13:00etan, saskibaloiko Erregina Kopako finalerdia, RPK Araski vs Perfumerias Avenida, eskainiko da ETB4n eta eitb.eus-en. Gasteizko taldeak aurrera egingo balu, finala ere emango da igandean, ordu berean. 

16:00etan, Bigarren B Mailako futbolaren tartean, Athletic Club B vs Real Unión izango da ikusgai ETB1en eta eitb.eus-en. Eta hau amaitutakoan, Iruñeko pilota jaialdia, Binakako Txapelketako bi partidekin: Agirre-Eskiroz vs Zabala-Ruiz (promozio maila) eta Ezkurdia-Martija vs Jaka-Zabaleta (lehen maila). 

Igande goizean, 12:00etan, pilotako Emakume Master Cupeko finalerdiak eskainiko dira zuzenean Beasaindik: Olatz Arrizabala-Gentzane Aldai vs Arrate Bergara-Amaia Aldai eta Miren Larrarte-Olatz Ruiz de Larramendi vs Leire Garai-Nora Mendizabal. 

Arratsaldean, 17:00etan, Bizkaia pilotalekuko jaialdia izango dugu ikusgai. Binakako Txapelketako Olaizola II-Aranguren vs Laso-Albisu norgehiagokarekin batera, P. Etxeberria-Bikuña vs Salaberria-Ladis Galarza eta Dario-Garmendia vs Egiguren V-Tolosa neurketak jokatuko dira. 

Urrezko Aizkolarien Binakako Txapelketako finalek (16:00etan, ETB1en eta eitb.eus-en) eta Emakumezkoen Euskal Herriko Paleta Goma Txapelketak (15:00etan, ETB4n eta eitb.eus-en) osatuko dute igandeko kirol programazioa. 

Bestalde, euskal talderen batek eskubaloiko Errege Kopako finalerdia (larunbatean) eta finala (igandean) jokatuko balu, norgehiagoka zuzenean eskainiko litzateke ETB4n eta eitb.eus-en, 18:30ean. 

  • Bisitatuena

      Kargatzen ikusiena
      Kargatzen ikusiena