Prestaketa

Barazki erreak

Barazkiak garbitu, txortenak kendu, eta xerratu; olioa eta gatza bota, eta grill antzeko zartagin batean egiten jarri, kolorea hartu arte.

Kuia krema

Kuia zatitu, eta lapiko batean olioarekin gorritzen jarri. Kolore pixka bat hartzen duenean, salda bota, eta egosten utzi, kuia egin arte; curry pixka bat eta gatza gehitu, gurina sartu, eta birrindu, fin-fina geratu arte.

Fruitu lehor ozpin-olioa

Ffruitu lehorrak labean txigortu, 5-10 minutuz, eta, hoztu ondoren, labanarekin txikitu, ontzi batean sartu, eta gatz pixka bat, mugurdiak eta ziapea gehitu, eta oliba olioarekin eta mugurdi ozpinarekin goxatu.

Bukaera

Gazta fresko zatia karratutan moztu, eta zartaginean olio pixka batekin gorritu. Barazkiak erretilu batean jarri eta labean berotu, eta, koloreekin jolastuz, platerean kuia kremaren gainean jarri; gainean, gazta fresko karratuak jarri, errukula hosto batzuk gainetik bota, eta fruitu lehor ozpin-olioarekin apaindu.