Prestaketa

Sandia

Sandia zuritu, eta 10 cm-ko luzerako, 3 cm-ko zabalerako eta 1 cm-ko lodierako zatiak egin; zartaginetik pasatu, gorritu dadin, olio tanta batekin.

Tomate ondua

Tomateei behealdean gurutze bat ebaki, eta ur berotan galdarraztatu; gero, ur hotzetara pasatu. Zuritu, pipitak kendu, eta karratutxotan zatitu. Olioarekin, gatzarekin eta piper zuriarekin ondu, eta geroko gorde.

Koloretako letxugak

Letxugak txikitu, eta ur hotzetan garbitu; ondo lehortu.

Platano ar frijitua

Platano arra zuritu, eta xerra finak egin; olio berotan sartu ondo frijitu arte, eta paper xurgatzailean utzi.

Pesto ozpin-olioa

Osagai guztiak ontzi batean sartu, eta irabiagailuarekin ondo txikitu; geroko gorde.

Bukaera

Plater lau batean sandia ipini erdian; gainean, tomate concassea, gatza eta olioarekin. Ondoan, erremolatxa xerra batzuk, laranja zatiak eta ahuakate zati batzuk jarri, pesto ozpinarekin apaindu, eta platano ar frijitu batzuk jarri gainean.