Prestaketa

Bulgur tabulea

Ura irakiten jarri bulgurra egosteko. 7 minutuz egosten utzi, eta minutu batez estalita, pausatzen.

Tartarra

Tomatea zuritu, eta pipitak kendu; karratutxotan zatitu. Ahuakatea zuritu, eta karratutxotan zatitu. Gatza, limaren azal birrindua eta zukua bota, eta geroko gorde.

Ziape eta jogurt ozpin-olioa

Ontzi biribil, altu eta estu bat hartu. Oinarrian limaren azal birrindua eta zukua, ziapea, jogurta, gatza eta baratxuria jarri. Birringailuarekin txikitu, eta olioa bota pixkanaka-pixkanaka, ozpin-olioa loditu arte.

Bukaera

Metalezko zilindro batean, bulgur tabulea jarri; gainean, tomate tartarra, eta, ondoren, ahuakate tartarra. Eskukada bat errukula hartu, olio eta gatz pixka bat bota, eta gainean jarri. Ogi kurruskari zati bat jarri ondoan, eta, zilindroaren inguruan, koilarakada bat ziape eta jogurt ozpin-olio.