Itxi

Azkenburukoak

Azkenburukoak

Azkenburukoak

Gerezi eta menda syllabuba
Gerezi eta menda syllabuba
Osagaiak
  • Gereziak, 400 g
  • Panela azukrea, koilarakada bat
  • Esne-gaina (harrotzekoa, hotz-hotza), 400 g
  • Moskatela, 150 ml
  • Azukre hautsa, 2 koilarakada
  • Menda hosto freskoak, eskukada bat
  • Limoi bat
  • Intxaur muskatua
Prestaketa

Hasteko, gerezi-coulisa egingo dugu. Honetarako, gereziak garbitu, zurtoina eta barruko hezurra kendu eta panela azukrearekin kazo batean berotzen jarriko ditugu. Gereziak ongi bigundu direnean, irabiagailuarekin birrindu eta iragazkitik pasa ondoren, hozten utziko ditugu.

Jarraian, moskatela eta azukre hautsa berotzen ipini eta 3-4 minutuz sutan alkohola lurruntzen edukiko dugu. Jarraian, menda hostoak, limoiaren zukua eta limoi azalak gehitu eta tapa batekin edo film plastikoarekin itxita, sutatik kanpo hozten eta infusionatzen utziko dugu.

Almibarra hozten denean, iragazi eta esne-gaina harrotzen hasiko gara. Erdi harrotua dagoenean, almibarra erantsiko diogu, hari fin baten forman isuriz. Pauso hau astiro-astiro egingo dugu, esne-gaina harrotzeari utzi gabe; ez da komeni almibarra kolpean edo kantitate handian botatzea.

Ense-gaina almibarrarekin harrotzen denean, edalontzietan banatzen hasiko gara. Edalontzien oinarrian, koilaratxo bat gerezi coulis jarriko dugu eta honen gainetik edalontzi erdiraino, esne-gain nahaskia. Jarraian, gerezi coulisa berriro ere eta amaitzeko, geruza eder bat esne-gain nahaski.

Kopa edo edalontzi guztiak betetzean, hozkailuan edukiko ditugu, ordubetez gutxienez.

Zerbitzatzeko garaian, gerezi bana, menda hosto bana eta intxaur muskatu birrindu berria ezartzea gomendatzen dizuegu.