NDFk 2014rako Espainiarentzako aurreikuspenak igo ditu % 0,9ra

Nazioarteko Diru Funtsak (NDF) Espainiarentzako hazkuntza ekonomikoaren aurreikuspenak igo ditu % 0,9ra 2014rako, urtarrilean aurreikusitakoa baino hiru hamarren gehiago. 2015 urterako % 1era igo du aurreikuspena, hau da, aurren proiekzioetan baino bi hamarren gehiago.

Hobekuntza hau esportazioen bilakaera onean oinarritzen da, baita barne eskaeraren "berehalako" hazkuntzarekin, azaldu du NDFk "Aurreikuspen Ekonomiko Globalak" txostenean.

Gobernuaren zifrak baino baikorragoak

Zifra horiek Espainiako Gobernuak emandakoak baino baikorragoak dira; horren aurreikuspen ofizialaren arabera, Barne Produktu Gordina (BPG) 2014an % 0,7ra zabalduko da, baina 2015erako aurreikusitakoa baino zertxobait baxuagoak dira, NDFk % 1,2ko hazkuntza aurreikusi duelako.

Era horretan, Espainiako ekonomiak hazkuntza bat izango du berriro, bi urtez kontrakzio zorrotz bat izan ostean.

Langabezia-tasak oso altua izaten jarraituko du

Langabeziak, halere, oso altua izaten jarraituko du Espainian, NDFk zertxobait jaitsiko dela aurreikusi arren: Biztanleria aktiboaren % 25,4 aurten, eta % 24,9 2015ean.

Euro gunea "azkenean" atzeralditik irten da

Aste honetan udaberriko bilera egiten ari den nazioarteko erakundeak txostenean nabarmendu duenez, euro gunea "azkenean atzeralditik irten" da, "doikuntza fiskalaren erritmo txikiagoari, kreditu baldintzen hobekuntza itxaropenari eta kanpoaldeko eskaera handiagori" esker.

Arrisku moduan, "inflazio baxuaren" aurreikuspenak aipatu ditu, Europako Banku Zentralaren helburutik (% 2) oso azpitik dagoelako. Horrek susperraldian eragin dezakeela azpimarratu du.