Ekonomia -
Enplegua
Diru-sarrerak bermatzeko errenta sistema hobetuko du Lanbidek
DBEa ezeztatzeko prozesuen hobekuntza irailetik aurrera gauzatuko dela iragarri du Iñigo Lamarka Arartekoak eta hartzazileei informazioa erraztea du helburutzat.
Erredakzioa
Iñigo Lamarka Arartekoak Lanbidek irailetik aurrera DBE ukatzeko sistema hobetuko duela iragarri du. Honen helburua laguntza horien etete erabakiak garbi geratzea da eta eskatzaileek erabakiari buruzko informazioa erraz ulertzea.
Urtarrilaren 21ean Arartekoak efektu negatiboa duten erabakietako "kopuru txiki batek" bakarrik betetzen dituela "kontuan hartzeko gutxieneko baldintzak" adierazi zuen eta horren ondorioz laguntza hauen eskatzaileek horien ukapena ez ulertzea bideratzen zuela.
Arartekoaren eskakizun honek parlamentuko komisioan agerpen eskaria eragin zuen. Gloria Sanchez sozialistak egin du agerpen hori eta materia honen gainean Lamarkak egindako gomendioak gertutik ezagutzeko gogoa azaldu du.
Gaizki bideratutako ezezko erabakitzeei buruzko kexak 1.006ra heldu ziren 2012an. 2010an 78 besterik ez ziren izan eta 2013an 883.
Arazoa Lanbidek "milaka espediente (63.000) ahalik eta hobe eta azkarren" kudeatzeko gogoak eragin duela aipatu du Lamarkak. Horretarako, "kudeaketa azkartzeko eredu estandarrak" erabiltzen direla gaineratu du eta "tratamendu pertsonal eta indibiduala" egitea eragozten dutela.
Honegatik, tramite hauek ukatzeko erabiltzen diren ereduetako testuak sinplifikatu egingo dira. Baita espedienteen berrikustearekin harremana duten ereduena ere.
Guzti honen helburua Lanbide eta hartzaileen arteko komunikazioa ahalik eta zuzenena eta argiena izatea da. Honekin batera enplegu bulegoetako arreta zerbitzua hobetzea aurreikusten dute eta baita sistema informatikoaren berrikusketa ere.