Ekonomia -
Ipar Euskal Herria
Iparraldeko enpresa txikien bozetara aurkeztea debekatu diote LABi
CGTk salaketa aurkeztu zuen sindikatu abertzalearen aurka, zentral politikoa dela eta euskararen bitartez frantsez hiztunak diskriminatzen dituela argudiatuta. Justiziak arrazoia eman dio.
eitb.eus
Ipar Euskal Herrian LAB sindikatuak ez du justiziaren babesik lortu. Izan ere, CGTk sindikatu abertzalearen kontra jarritako salaketa onartu egin dute epaitegian. LAB sindikatu politikoa dela eta euskararen bitartez frantsez hiztunak diskriminatu egiten dituela salatu zuen CGTk.
Ebazpena eskutan, LABek ez du enpresa txikietako hauteskunde sindikaletara aurkezteko modurik izango.
Ipar Euskal Herrian polemika bizia eragin duen gaia da, Iparraldeko CGTk berak ere Paristik hartutako erabakia salatu du.
LABek erabakiaren aurka helegitea aurkeztea aztertuko du. Hilabeteko epea du horretarako, eta enpresa txikietako hauteskundeak azaroaren 28tik abenduaren 12ra izango dira.