Ekonomia -
Sindikatuak
ELAk Urkullu kritikatu du ez duelako beraiekin bildu nahi
Sindikatuak ohar batean adierazi duenez, bi aldiz eskatu dio lehendakariari eurekin biltzeko, baina ez omen ditu hartu nahi izan. “Harreman klientelarra besterik ez dute nahi”, Txiki Muñozen ustez.
Agentziak | Erredakzioa
ELA sindikatuak gaur adierazi duenez, Iñigo Urkullu lehendakariak bi aldiz egin dio muzin “Euskal Herriko sindikatu nagusiaren ordezkariak hartzeari”.
Hiru federazioen kongresuak egin ondoren kaleratu duen ohar batean eman du horren berri ELAk. Industria eta Eraikuntzaren, Gizalanen eta Zerbitzuak federazioaren zuzendaritzak berritu dituzte kongresuotan, azken hilean.
Oharrean esaten denez, Adolfo Txiki Muñoz idazkari nagusiak “birritan eskatu dio bilera Urkullu lehendakariari, baina honek ez ditu Euskal Herriko sindikatu nagusiaren ordezkariak hartu”.
"Era bakarreko harremana nahi dute, klientelarra, eta ELAk ez du halakorik onartuko", esan du ELAko idazkari nagusiak.