Petronorrek aldi baterako lan erregulazioko espedientea altxatuko du ostiral honetan

Petronor konpainiak aldi baterako lan erregulazioko espedientea altxatuko du urriaren 1an, eta ohiko ekoizpena berreskuratuko du; izan ere, Visbreaking Unitatea (3 Lantegia) martxan jartzen ari da, 2020ko apirilaren 6tik geldi egon ostean.

Gainera, Crudo 2 martxan jartzeko prestaketa lanak irailaren 16an hasi ziren. Horrela, "fintze destilazioaren erabateko normalizazioa" lortuko dutela azaldu du enpresak agiri batean. Mugikortasunaren murrizketak eraginda merkatuaren eskari falta heldu zen, eta ekoizpena % 40 murriztu behar izan zuten.

Era berean, urriaren 1ean aldi baterako lan erregulazioko espedientea altxatuko dute. Honenbestez, "ohiko ekoizpen, destilazio eta okupazio parametroak berreskuratuko ditu" Petronorrek.