Gizartea -
Basurtuko Ospitalea
Iñaki Azkunari ebakuntza egin diote
Bilboko alkateari giltzurrun bat kendu diote. Ebakuntza ondo atera dela jakinarazi du Basurtuko Ospitaleak.
Erredakzioa
Iñaki Azkuna Bilboko alkateari ebakuntza egin diote gaur goizean, giltzurrun bat kentzeko.
Basurtuko Ospitaleak jakinarazi duenez, ebakuntza ondo atera da. Orain bere onera bueltatzeko tratamendua hartuko du.
Maiatzaren 6an beste ebakuntza bat egin zioten, eta maiatzaren 28an jaso zuen alta. Joan den ekainaren 1ean, bere osasun egoerak okerrera egin zuen eta berriro eraman zuten ospitalera. Ekainaren 11an eman zioten alta.
