Gizartea -
Hezkuntza erreforma
Jaurlaritzak LOMCEren aurkako helegitea jarriko du Konstituzionalean
Jaurlaritzaren Gobernu Kontseiluak gaur onartu du erabakia, eta Cristina Uriarte Hezkuntza sailburuak eta Erkoreka bozeramaileak agerraldia egin dute ondoren, helegitearen nondik norakoak azaltzeko.
Erredakzioa
Eusko Jaurlaritzak LOMCE Hezkuntzako legearen aurkako helegitea jarriko du Auzitegi Konstituzionalean, EiTBk jakin ahal izan duenez.
Jaurlaritzaren Gobernu Kontseiluak gaur hartu du erabakia, eta Cristina Uriarte Hezkuntza sailburuak eta Josu Erkoreka bozeramaileak agerraldia egin dute ondoren, errekurtsoaren nondik norakoak azaltzeko.
Jaurlaritzak martxoan aurkeztuko du Auzitegi Konstituzionalean helegitea, Wert ministroaren legearen aurka.
Jaurlaritzaren ustez, Hezkuntza erreforma horrek izaera "homogeneizatzailea" du, eta aurrez aurre egiten du euskal hezkuntza sistemaren aurka. Jaurlaritzaren hitzetan, LOMCE legeak "balio demokratikoen, aniztasuna eta elebitasunaren errespetua” urratzen ditu LOMCE legeak.
Urkulluren Gobernuaren ustez, "onartezina da" lege honen bitartez Espainiako Gobernuak edukiak zehaztea, DBH eta Batxilergoko ikasleen amaierako azterketak antolatzea eta koofizialak diren hizkuntzen aurrean duen jarrera.
