Gizartea -
Itsas istripua
Hiru marinel hil dira Vigon, bi itsasontzik talka egin ondoren
Halaber, beste bi marinel desagertu dira Cies uharteen inguruan izandako talkan. Bilaketa lanak ezin izan dira gauzatu arratsaldean, itsasoaren baldintza txarren ondorioz.
Erredakzioa
Gutxienez hiru lagun hil eta beste bi desagertu dira Vigoko itsasadarrean goizaldean izandako itsas istripuan. Goizeko laurak aldera, bi itsasontzik talka egin dute Cies uharteen inguruan. Antza, merkataritza-ontzi batek eta arrantzontzi batek talka egin dute eta bigarrena hondoratu egin da. Itsas Salbamenduko kideek bost lagun erreskatatu dituzte eta beste bi marinelen bila dabiltza.
Bilaketa ezin izan da gauzatu arratsaldean, itsaso txarraren ondorioz
Itsas Salbamenduko eta Guardia Zibileko urpekariek errefusatu egin dute urperatzea arratsaldean, itsasoaren baldintza txarragatik.
