Gizartea -
Palmako aireportua
Ryanairreko hegazkin batek emergentziazko lurreratzea egin du Palman
Komandanteak lurreratzeko trenean sua zegoela ohartarazi eta gero lurreratu da Palmatik Memmingen (Alemania) hirira 148 bidaiari zeramatzan hegazkina.
Erredakzioa
Ryanair konpainiako hegazkin batek emergentziazko lurreratzea egin du Palmako aireportuan. Hala ere, ez da inor zauritu.
Komandanteak lurreratzeko trenean sua zegoela ohartarazi eta gero lurreratu da, Mallorcako aireportutik jakitera eman dutenez.
Irlandar konpainiako hegazkin honek 148 bidaiari zeramatzan Palmatik Memmingen (Alemania) hirira, eta 06:43an aireratu da Son Sant Joanetik.
Halere, hegazkinak lurreratzeko trenean arazo bat zuela eta, pilotuak Palmako aireportura itzultzea erabaki du, eta arazorik gabe lurreratu da.
Halakoetan egin ohi denez, Palmako aireportuak emergentziazko plana abiarazi du 07:20 aldera.