Gizartea -
Vatikanoa
Aita santua: 'Pertsonak torturatzea bekatu mortala da'
Halaber, Frantzisko aita santua Calabrian izan zen larunbatean, eta bertan esan zuenez, "mafiakoak ez daude jaunartuta, Jaunak eskumikatuta" baitaude.
Erredakzioa
Aita santuak torturaren kontra egin eta haren abolizioa eskatu du gaur, igandea, eta biktimei eta haien familiei babesa azaldu die Regina Coeliren errezoan.
Halaber, Frantzisko aita santua Calabrian izan zen larunbatean, eta bertan esan zuenez, "mafiakoak ez daude jaunartuta, Jaunak eskumikatuta" baitaude.
"Pertsonak torturatzea bekatu mortala da, bekatu oso larria", esan du irmo. Gainera, aita santuak "torturatzeko modu guztiak gaitzetsi" ditu, eta kristauei horren "abolizioan" lagun dezaten eskatu die.
Gainera, Frantziskok gogora ekarri du ekainaren 26an Torturaren Biktimen NBEko Nazioarteko Eguna dela.
Era berean, San Joanen ebanjelioan agertutako "bizitzaren ogia" kontzeptuaren esanahia azaldu du. Aita santuaren azalpenaren arabera, Jesus ez zen mundura "zerbait emateko" etorri, baizik eta "bere burua bera emateko, bere bizitza".
Horrez gain, Done Petri plazan bildutako milaka jarraitzaileei "maite ez dituztenak maitatzea" eskatu die, nahiz eta zehaztu duen lan zaila dela.
