Amagoia Elezkanok 42 sastada jaso zituen, hil baino lehenago

Amagoia Elezkanoren heriotzagatik egiten ari diren epaiketan, 42 sastada jaso zituela esan du akusazioak, “guztiak bizirik zegoela”, eta 25 urteko kartzela-zigorra eskatu du akusaturentzat, “ankerkeriarekin eta traizioarekin egindako hilketagatik”. Elezkanoren bikotekideak hil zuela aitortu egin zuen.

Ministerio Fiskalak, Estatuko Abokatutzak, akusazio partikularrak, herrikoak (Orozkoko Udala ordezkatuz; neska bertakoa izanda) eta akusatuaren defentsak goiz honetan aurkeztu dituzte azken txostenak epaiketan. Lehengo astean hasi zen, Arabako Probintzia-Auzitegian.

Akusazioek 25 urteko kartzela-zigorraren eskaera mantendu dute, bistan aurkeztutako frogek tesia berretsi egiten dutela uste izanda. Defentsak bere zigor-eskaera moldatu du, bi urte eta erditik hamarrera pasatuta.

Akusatua defendatzen duen abokatuak gertaerak gizahilketa delitua direla nabarmendu du, “setakeria” eta “aitorpena” aringarriak izanda. Halaber, ukatu egin du akusatuak ankerkeriarekin jokatu izana, haren helburua “kosta ahal kosta” bikotekidea hiltzea zelako, sufrimendua luzatzeko “beharrik gabe”.

Akusatuak (50 urte ditu) epaiketako lehengo saioan esan duenez, 2013ko maiatzaren 23an Laudioko (Araba) etxebizitzan hil zuen Amagoia, “jeloskor eta haserre” zegoelako, beste gizon bategatik utzi behar zuelako, eta bien semea (18 hilabete zituen orduan) harekin eraman behar zuelako.

Astelehen honetan esan duenez, “guztiz damututa” dago, eta barkamena eskatu dio familiari, Amagoiarenari (27 urte zituen hil zenean) eta semeari, egindakoagatik. “Bera orain entzuten ari izango balitzait, barkatu egingo zidan”, esan du, negar-zotinka, “Jainkoak barna nazala”, gaineratu du.