Gizartea -
Ezbeharra
Sute batek etxerik gabe utzi ditu Errenteriako hiru familia
Suaren eraginez, hiru familia bizi ziren baserria erabat suntsituta gelditu da, eta gaua etxetik kanpo pasa behar izan dute.
Erredakzioa
Errenteriako hiru familia etxerik gabe gelditu dira, sute batek bizi ziren baserria erabat suntsitu ostean.
Sua larunbat arratsaldean piztu zen, 18:30 inguruan, eta suhiltzaileek sua itzaltzea lortu bazuten ere, bertan gelditu ziren garrak berriz indartzea eragozteko, Eusko Jaurlaritzako Segurtasun Sailaren arabera.
Sua piztu den unean ez zegoen inor baserriaren barruan eta, beraz, ez da inor zauritu.
Guztira, hamar pertsona bizi dira baserrian.