Gizartea -
Emakumeen aurkako indarkeria
Gizon batek 60 urteko emakume bat hil du Arrecifen (Lanzarote)
Biktimak duela hilabete gutxi ezagutu zuen gizona. Erasotzailea (55 urte) hilketa egin eta gutxira atxilotu dute aireportuan, ihes egiten saiatzen ari zenean. Arma zuri batez egindako zauriak zituen.
Erredakzioa
Gizon batek 60 urteko emakume bat sastatu du Arrecifen (Lanzarote). Biktimak duela hilabete gutxi ezagutu zuen gizona. Erasotzailea hilketa egin eta gutxira atxilotu dute aireportuan, uhartetik ihes egiten saiatzen ari zenean. Atxilotuak arma zuri baten zauriak zituen, Poliziaren iturriek jakitera eman dutenez.
Hilketa Arrecifeko Titerroy auzoko Navarra kalean gertatu da, 17:00ak aldera. Atxilotua ezin izan dute galdekatu oraindik; izan ere, Doctor Jose Molina Orosa ospitalera eraman behar izan dute, eta ebakuntza egin diote bertan.
Amak gizona duela gutxi ezagutu zuela azaldu dio biktimaren seme batek Poliziari. Antza denez, Tenerifeko etxean zaindu zuen biktimak, ikerketako iturriek zehaztu dutenez.
Erasotzailea (Cesareo G.C., 55 urtekoa) goizean heldu da Tenerifetik Lanzarotera, eta aireportuan atxilotu dute, Tenerifera itzuli nahian zebilela. Odol orbanak zituen arropan.
