Gizartea -
Gasteizen
Gizonezko bat atxilotu dute 720g haxixekin eta gidabaimenik gabe
Gizonezkoa Ertzaintzaren kontrol batean ustekabean harrapatu zuten eta droga kontrolean positibo eman zuen. Motxilan haxixa, anfetamina eta marihuana kukuluak zituen.
Agentziak | Erredakzioa
34 urteko gizonezko bat atxilotu dute Gasteizen, Ertzaintzaren kontrol batetik ihes egin ondoren. Atxilotua gidabaimenik gabe zegoen eta droga kontrolean positibo eman zuen. Identifikatu ostean, gertuko edukiontzi batean 720 gramo haxix, 65 gramo anfetamina eta bi marihuana kukulu zituen poltsa bat ezkutatzen ahalegindu zen.
Gertaera atzo, osteguna, jazo zen, 10:40an. Ordu horretan, ertzainek gelditzeko agindua eman zioten gizonezkoari, A-627 errepidean, eta ihes egin zuen. Haren atzetik joan eta gero, A-3002 errepidean atxilotu zuen Ertzaintzak. Bidean, gainerako gidariak arriskuan jarri zituen atxilotuak, kontrako noranzkoan zenbait aurreratze egin baitzituen.
2010. urtean, droga-trafikoa egotzita atxilotu zuten, eta, egun hartan, 504 gramo haxix, 213 gramo speed eta 32 gramo kokaina konfiskatu zizkioten. Gaur goizean epailearen esku geratu da.