Gizartea -
Osasungintza
EAEko ospitaleek errolda zibilean izendatuko dituzte jaioberriak
Arrasateko, Zumarragako eta Mendaroko Ospitaleak lehenak izan dira zerbitzua erabiltzen. Abenduaren 1etik aurrera, hiru ospitale gehiagok instalatuko dute sistema hori.
Agentziak | Erredakzioa
Urtea bukatu aurretik, jaioberriak errolda zibilean izendatzea baimentzen duen zerbitzua prest egongo da EAEko ospitaleetan. Arrasate, Zumarraga eta Mendaroko osasun zentroak lehenak izan dira zerbitzua erabiltzen.
Halaber, abenduaren 1etik aurrera Donostiako Ospitalean, Gurutzetan eta Basurtun instalatuko dute sistema hori, Osakidetzak ohar baten bitartez adierazi duenez.
Zerbitzua urriaren 15ean estreinatu zuten Arabako Unibertsitate Ospitalean, eta, dagoeneko, 84 haur izendatu dituzte errolda zibilean.
Jon Darpon Osasun sailburuak azaldu duenez, sistema honek “tramite administratiboak errazten ditu eta Errolda Zibilera joatea ekiditen du”.