Sopelan bi ibilgailuk elkar jo dute eta lagun bat larri zauritu da

Gizonezko batek zauri larriak izan ditu gaur arratsaldean BI-9986 errepidean, Sopelako saihesbide parean, bi autok elkar jo ondoren. Zauritua ibilgailu barruan harrapatuta geratu da, eta suhiltzaileek atera behar izan dute.

Segurtasun Sailak jakinarazi duenez, istripua zazpiak eta hamarrean jazo da, eta ezbeharrean bi ibilgailu egon dira nahasita.

Autoetako batean zegoen gizonezko bat suhiltzaileek atera behar izan dute, barruan geratu harrapatuta geratu baita. Ondoren, anbulantzia medikalizatu batek Gurutzetako ospitalera eraman du pronostiko larriarekin. Gabeko bederatziak eta hogeian errepidea ireki dute.