Gizartea -
Indarkeria matxista
Bi emakumezkok sexu-eraso saiakera jasan dute Durangon
Durangoko Udalak gertakariak gaitzetsi ditu eta bere bitarteko guztiak biktimen eskuragarri jarri dituela jakinarazi du.
AGENTZIAK | ERREDAKZIOA
Bi emakumezkori sexu-erasoa egiten saiatu ziren larunbat goizaldean, Durangon, Udalak jakitera eman duenez.
Berdintasun Kontseiluak eta Batzordeak azaldu duenez, Udalak eraso horiek eta emakumeenganako ezein eraso gaitzesteko adierazpena onartu du.
Era berean, biktimei babesa helarazi die eta Udalak dituen “bitarteko guztiak” haien eskuragarri jarri ditu.
Amaitzeko, Plataforma Feministak Durangoko Andra Mari Elizaren aurrean ostegunero egiten duen elkarretaratzean parte hartzeko deia luzatu die Durangoko Udalak herritarrei.
_____________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.