Gizartea -
Gertaera
Emakume bat atxilotuta, Bilboko aireportuan lapurreta egitea egotzita
Atxilotuak -43 urte- beste emakumea arma zuriz mehatxatu zuen, dirua lapurtzeko helburuarekin, aireportuaren komunetan.
Agentziak | Erredakzioa
Ertzaintzak 43 urteko emakume bat atxilotu du Bilbon, beste emakumezko bati laban batekin mehatxu egitea leporatuta, dirua lapurtzeko asmoz, komunetan zegoenean, Segurtasun Sailak jakinarazi duenez.
Asteazkeneko 12:00ak jotzear zirenean, biktima kafetegi ondoko komunetan sartu zen, Loiuko aireportuan. Alabaina, barruan beste emakume bat zegoen eta deskuidu bat aprobetxatu zuen laban bat atera eta, mehatxu eginda, dirua eskatzeko, salaketaren arabera.
Ondoren, erasotzailea biktimaren poltsa kentzen saiatu zenean, bigarren horrek unea aprobetxatu, alde egitea eta abisua eman zuen. Langile batek biktimari lagundu eta instalazioetan zeuden ertzainek erasotzailea atxilotu zuten. Agenteek laban bat aurkitu zuten atxilotuaren poltsan, antza, mehatxu egiteko erabili zuena.
Atxilotutako emakumezkoa (43 urte ditu) Poliziaren instalazioetara eraman dute, epailearen esku utzi bitartean.