Gizartea -
HILKETA
19 urteko emakume bat hil dute Almerian, tiroz
Biktima eta erasotzailea auzokideak ziren, eta eztabaida batek eragin omen du erasoa, ikerkatzaileek bildu dituzten lehen datuen arabera.
Agentziak | Erredakzioa
19 urteko emakume bat hil dute Almerian, Oria herrian, igandean, 15:30 inguruan, bi tiro jasota.
Andaluziako Emakumearen Institutuak baztertu egin du gaztea genero indarkeriaren ondorioz hil izana. Tiroaren ustezko egileak 28 urte ditu, eta Guardia Zibilak berehala atxilotu du.
Gobernuaren Ordezkariordetzako bozeramaile batek baieztatu duenez, biktima eta erasotzailea auzokideak ziren, eta eztabaida batek eragin omen du erasoa, ikertzaileek bildu dituzten lehen datuen arabera.
Oriako alkateak, Marcos Rechek, jakinarazi duenez, ustezko egileak bere burua Guardia Zibilaren esku utzi du erasoa egin ondoren.
"Badakigu entregatu egin dela. Tiro egin ostean, autoz joan da, San Marcos auzoko beste aldean gelditu da, eskopeta apurtu du eta Guardia Zibilaren zain geratu da", azaldu dio Efe agentziari.