Sutea egon da Trapagaranen, Babcock enpresako bulego zaharretan

Sute bat piztu da arratsalde partean Babcock Wilcox izan zeneko antzinako bulegoetan, Trapagaranen. Ez da zauriturik egon gertakarian.

Eusko Jaurlaritzako Segurtasun Saileko eta Trapagaraneko Udaltzaingoko iturriek jakinarazi dutenez, sutea 18:30ak aldera sortu da eraikinaren bigarren solairuan, eta ke asko sortu du.

Sutea zegoen lekura suhiltzaileak bertaratu dira garrei aurre egiteko asmoz.

Sua piztu eta bi ordu eta erdira sua oraindik ez zegoen guztiz itzalita, baina kontrolatutzat jo dute.