Gizartea -
Ugarte industrialdea
Sute batek bost ibilgailuri kalteak egin dizkie Trapagaranen
Sua Transportes Chus enpresan gertatu da, Ugarte industrialdean. Sugarrek bi trakzio-buru, kamioi-garabi bat, zabor-bilketako kamioi bat eta furgoneta batean kalteak egin dituzte.
E. Lotina | eitb.eus
Sute batek bost ibilgailuri kalteak egin dizkie Trapagaraneko (Bizkaia) enpresa batean, Segurtasun Saileko iturriek eitb.eus-i baieztatu diotenez.
Sua Transportes Chus enpresan gertatu da 00:00ak aldera, Ugarte industrialdean. Sugarrek bi trakzio-buru, kamioi-garabi bat, zabor-bilketako kamioi bat eta furgoneta batean kalteak egin dituzte.
Sutearen arrazoiak ikertzen ari dira eta ez dute hipotesirik baztertzen, iturriek azaldu dutenez.
Enpresa berdinean beste sute bat izan zen duela sei egun soilik.
