Gizartea -
Su artifizialak
Suak baimenik gabe grabatzen zituen drone bat atzitu dute Donostian
Udaltzaingoak atzo gauean lortu zuen piloturik gabeko aireontzi hori atzitzea; izan ere, ezin da erabili hegazkigintza zibilaren baimenik gabe.
Agentziak | Erredakzioa
Donostiako Udaltzaingoak baimenik gabe hegaz egiten ari zen drone bat atzitu zuen bart gauean. Itxura denez, hainbat egunetan erabili dute drone hori Donostiako Aste nagusiko su artifizialak grabatzeko.
Udaleko iturriek gaur jakitera eman dutenez, barruan giza piloturik ez duen hegazkin hori atzo gauean konfiskatu zuten udaltzainek Apaizen paseoan, kai inguruan, jaisten arin zenean.
Iturri berek adierazi dutenaren arabera, Poliziak espedientea ireki die gailuaren ustezko bi arduradunei, australiar nazionalitatea duen gazte bati eta Donostiakoa den neska bati, eta Hegazkigintza Zibilak ezar diezaiekeen isunaren zain daude.
Azken egunetan, ikuskizun piroteknikoa ikustera Urgullera igo ziren zenbait herritarrek dronea hiriko zenbait lekutan ikusi zuten, besteak beste Alde Zaharrean, Kontxako badian (ontzi baten gainean).
Udaltzaingoak atzo gauean lortu zuen piloturik gabeko aireontzi hori atzitzea; izan ere, ezin da erabili Hegazkigintza zZbilaren baimenik gabe; horrez gain, hurbilen duen aireportuarekiko gutxieneko distantzia bat errespetatu behar du.