Gizartea -
Indarkeria matxista
Emakume bati labanaz eraso diote Bilbon
Erasotzaileak labana bat sastatu nahi izan dio emakumeari hainbat aldiz eta atxilotu egin dute.
Agentziak 1 Erredakzioa
Ertzaintzak gizonezko bat atxilotu du gaur goizaldean Bilbon emakume bati labanaz hainbat aldiz erasotzen saiatzea egotzita. Hala jakinarazi du Segurtasun sailak.
Gertaera goizaldeko 1:30ean jazo da. Ordu horretan, norbanako batek Ertzaintzari abisatu dio gizonezko batek labana bat zuela eta emakume bat mehatxatzen ari zela harekin, "sastatzeko asmo argiz".
Ertzaintzaren patruila bat bertaratu denean, Concha Jeneralaren kale erdian eztabaidan eta elkarri bultzaka ari zen bikote bat aurkitu du. Ertzainek banandu eta identifikatu egin dituzte, eta jakin ahal izan dutenez, bien arteko eztabaida minutu batzuk aurretik hasi dute inguruko taberna batean.
Ondoren, gizonezkoa labana atera eta, ustez, emakumea sastatzen saiatu da behin baino gehiagotan, eta lekutik alde egin du.
Alabaina, berriz itzuli da, kasu horretan arma zuririk gabe, eta biktimaren eztabaidatzeari ekin dio berriro. Une horretan heldu dira ertzainak, eta 34 urteko susmagarria atxilotu dute, arma zuriz egindako eraso baten ustezko egiletzat.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
