Gizartea -
Santutxu auzoa
Gozoki denda bat itxi dute Bilbon, droga saltzea egotzita
Hiru gizon atxilotu dituzte. Lokalaren miaketan marihuana barnean zeramatzaten zazpi poltsa eta 2.000 euro eskudirutan atzeman dituzte.
Agentziak | Erredakzioa
Bilboko Udaltzaingoak Santutxu auzoko gozoki denda bat itxi du, droga (haxixa eta marihuana) saltzea egotzita. Bilboko Udalak ohar baten bidez jakinarazi duenez, erosle gehienak oso gazteak ziren, eta tartean adingabeak zeuden. Polizia-operazioan bi gizon atxilotu dituzte, osasun publikoaren kontrako delitu bat leporatuta. Halaber, 19 urteko beste gizon bat atxilotu dute, autoritateari eraso eta erresistentzia delituak egitea egotzita.
Atzo, asteartea, atxilotu zituzten hiru gizonak. Auzokideek mugimendu susmagarriak ikusi zituzten dendaren inguruan eta udaltzainak jakinaren gainean jarri zituzten, Bilboko Udalak jakinarazi duenez. Drogak saltzeko erabiltzen zuten lokala Santutxu auzoko eskola baten ondoan dago, 200 metrora.
Udaltzaingoak jakinarazi duenez, lokal horren jabeek haxixa eta marihuana saltzen zutela ikusi dute ikerketa fasean. Ildo horretatik, erosle gehienak oso gazteak ziren, eta tartean adingabe batzuk zeuden.
Polizia-operazioan 29 eta 30 urteko bi gizon atxilotu dituzte, osasun publikoaren kontrako delitu bat leporatuta.
Halaber, une horretan droga erosten zegoen 19 urteko beste gizon bat atxilotu dute, autoritateari eraso eta erresistentzia delituak egitea egotzita.
Lokalaren miaketan marihuana barnean zeramatzaten zazpi poltsa, haxixa eta 2.000 euro eskudirutan atzeman dituzte.