Gizartea -
Tabako-egoerari buruzko datuak
16 puntu murriztu da tabakoaren kontsumoa Euskadin azken 20 urteotan, % 22ra arte
Gizonek emakumeek baino gehiago erretzen dute eta 15 eta 34 urte arteko gazteen % 63k ez du inoiz erre.
Agentziak | Erredakzioa
Tabakoaren kontsumoa Euskadin 16 puntu murriztu da azken 20 urteotan, % 22an baitago; 1992an, berriz, % 38an zegoen, eta 2008an, % 30,5ean.
Gizonezkoek (% 25,6) emakumezkoek (% 18,6) baino gehiago erretzen dute. Halaber, 15 eta 34 urte arteko gazteen % 63k ez du inoiz erre, Jon Darpon Osasun sailburuak astelehen honetan Adikzioen gaineko Inkestaren aurkezpenaren harira jakitera eman duenez.
Gainera, Osasun Sailak eta Osakidetzak bat egin dute Tabakorik Gabeko Eguneko ekitaldiekin (maiatzaren 31n) eta Kerik Gabeko Asteko ekitaldiekin, tabakoaren aurkako borrokan eta bizi-ohitura osasungarriak dituen euskal gizartearen aldeko borrokan duten konpromisoa erakusteko.
Euskadiko tabako-egoerari buruzko inkesta 2017aren azken hiruhilekoan egin zuten; horren arabera, erretzaileen % 61ek hamar zigarro baino gutxiago erretzen dituzte egunean (orain dela hamar urte baino hamar puntu gehiago).
Emakumeek gehiago erretzen dute 14 eta 44 urte artean (% 20,5); gizonek, berriz, gehiago erretzen dute 45 eta 74 urte artean (% 28,2).
Noizbehinka erretzen dutenen harira, gazteenek (% 4,3) helduek (% 2,5) baino gehiago egiten dute.
Tabako motari dagokionez, erretzaileen % 72k paketeko zigarroak nahi dituzte; % 14,2k zigarroak biltzea gustuko dute, eta % 6k zigarro elektronikoa erabiltzen dute.
Azken urteotan, halaber, erretzeari utzi diotenen kopurua hasi egin da: % 26,5, 2017an. Bestalde, erretzaileen % 72 ez dira inoiz erretzeari uztena saiatu, baina % 60ri gustatuko litzaioke.