Baionako medikua, pertsona ahulak pozoinduta hiltzeagatik leporatuta

Baionako Fiskaltzak jakinarazi duenez, Nicolas Bonnemaison Baionako Ospitaleko medikuari pertsona ahulak pozoinduta hiltzea leporatu diote gaur, epailearen aurrean pertsonak hoiek hil izana onartu du ondoren.

Larrialdi zerbitzuetako langileek ohartarazi zioten ospitaleko zuzendaritzari lau pertsona horiek ez zirela berez hil. Gauzak horrela, zuzendaritzak Poliziari deitzea erabaki zuen.

Poliziak asteazkenean atxilotu zuen medikua, eta orain atxiloaldi prebentiboan dago Baionako komisaldegian, izan ere, Frantzian eutanasia ez da legezkoa.

Osasun ministerioak gertatutakoaren eta Baionako Ospitaleko barruko funtzionamenduaren inguruko ikerketa bat ireki du.