Gizartea -
Koronabirusaren semaforoa
Aretxabaleta, Arrigorriaga, Beasain, Bermeo eta Lazkao eremu gorrian daude
Arrasatek eta Azpeitiak gune latzenetik ateratzea lortu badute ere, Bermeo eta Lazkao sartu dira haien ordez, eta, beraz, bost dira oraindik ere eremu gorrian dauden udalerriak.
eitb media
Gaur-gaurkoz bost udalerri daude eremu gorrian Euskal Autonomia Erkidegoan, covid-19ak Euskadin herriz herri izandako eragina aztertzen duen Eusko Jaurlaritzako Osasun Sailaren semaforoaren arabera. Aretxabaleta, Arrigorriaga, Beasain, Bermeo eta Lazkao eremu latzenean daude
Gipuzkoan, Aretxabaletak, Beasain eta Lazkaon dituzte datu okerrenak.
Eremu laranjan daude Arrasate, Azpeitia, Errenteria, Legazpi, Oñati eta Ordizia.
Andoain, Azkoitia, Astigarraga, Bergara, Deba, Donostia, Eibar, Elgoibar, Hernani, Hondarribia, Irun, Lasarte-Oria, Lezo, Mutriku, Oiartzun, Orio, Pasaia, Tolosa, Urnieta, Urretxu, Villabona, Zarautz eta Zumaia, berriz, gune horian kokatu dira.
Eremu berdean daude, ostera, Urnieta eta Usurbil.
Bizkaian, Arrigorriagak eremu gorrian jarraitzen du, eta Bermeo batu zaio azken orduetan.
Bigarren mailan daude Abanto-Zierbena, Lekeitio eta Ondarroa.
Abadiño, Barakaldo, Basauri, Berango, Bilbo, Derio, Durango, Elorrio, Erandio, Ermua, Etxebarri, Galdakao, Gernika-Lumo, Getxo, Gueñes, Leioa, Mungia, Muskiz, Ortuella, Portugalete, Santurtzi, Sestao, Sopela, Trapagaran, Zalla eta Zornotza eremu horian daude.
Balmaseda eta Gorliz eremu berdean daude.
Arabako datuei dagokienez, Agurain eta Gasteiz daude eremu laranjan.
Amurriok eta Laudiok, berriz, kolore horia dute.
Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak. Zehazki, semaforo horrek kolore berde, laranja, hori edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela erabiltzen dira:
