Gizartea -

Emakumeen aurkako indarkeria

Gizon bat espetxera bidali dute Irunen, haren bikotekide ohiaren gaineko urruntze-agindua urratzea egotzita

Gizonezkoa kautelazko neurria urratzen harrapatu dute zenbait ertzainek. Hortaz, identifikatu eta atxilotu egin dute. Orduan gizonak agenteei aurre egin die, eta horietako hiru zauritu ditu.

AGENTZIAK | EITB MEDIA

Whatsapp Facebook Twitter Telegram Email

20 urteko gizonezko bat espetxera bidali dute, Irunen atxilotu ostean, haren bikotekide ohiaren gaineko urruntze-agindua urratzea leporatuta.

Eusko Jaurlaritzako Segurtasun Sailak jakitera eman duenez, jazoerak larunbat honetako 01:00ak aldera gertatu dira, herri-babeserako prebentziozko lanak egiten ari ziren hainbat ertzainek gizona atzeman dutenean. Haren bikotekide ohiaren gaineko urruntze-agindua zuela ezagutzean, identifikatu eta atxilotu egin dute. Orduan gizonak agenteei aurre egin die, eta horietako hiru zauritu ditu.

Ertzain-etxera eraman dute, urruntze-agindu bat ustez urratzeagatik, eta agintearen aurkako atentatua eta lesio delituak ere egotzita. Irungo guardiako epailearen esku utzi dute gaur eguerdian, eta kartzelara bidaltzea agindu du horrek.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Tratu txarrak Indarkeria matxista Gizartea Indarkeria matxistaren biktimak Eguneko albisteak Albisteak Irun bideoak Euskal Autonomia Erkidegoa albisteak