Gizartea -

TRAFIKOA

Amaitu dira auto-ilarak AP-8an, Zumaian kamioi batek zama galdu ostean

Ezbeharraren ondorioz, autobidea guztiz itxi behar izan dute hainbat minutuz. Hala ere, 12:45erako errei bat zabaldu dute noranzko bakoitzean. 13:35 aldera berreskuratu du trafikoak ohiko normaltasuna puntu horretan.

EITB Media

Whatsapp Facebook Twitter Telegram Email

Eguerdian auto-ilara luzeak sortu dira AP-8 autobidean, Zumaia parean kamioi batek zama galdu ostean, Eusko Jaurlaritzako Segurtasun Sailak eitb.eus-i jakinarazi dionez.

Ezbeharra 11:55ean gertatu da, eta, ondorioz, autobidea guztiz itxi behar izan dute hainbat minutuz.

12:45ean, errei bat zabaldu dute noranzko bakoitzean, baina auto-ilarak ez dira gutxitu. 5 kilometrorainokoak ziren Bilborako noranzkoan eta kilometro batekoak Irunera bidean.

13:35 aldera berreskuratu du trafikoak ohiko normaltasuna puntu horretan, kamiotik bidera erori diren enborrak errepidetik erretiratu ondoren.

Hau zure interesekoa bada, baliteke beste gai hauek ere izatea
Zirkulazio Istripuak gaur Trafikoa Gizartea Trafikoko web-kamerak Gasteizen Prentsa digitalaren azken orduko Zumaia Albisteak A-8 autobideko istripuak gaur Merkantzia-garraioa