Gizartea -
TRAFIKOA
Amaitu egin da Erandion auto-ilara luzeak eragin dituen lau autoren arteko istripua, Arrontegi zubian
14:30 aldera izan da ezbeharra, eta bi errei itxi behar izan dituzte. 15:00etan sei kilometrotik gorakoak ziren auto-ilarak.
eitb media
Arratsalde honetako lehen orduetan auto-ilara luzeak sortu dira N-637 errepidean, Erandion, Arrontegi zubian lau autok izan duten istripu baten eraginez, Eusko Jaurlaritzaren Segurtasun Sailak eitb.eus-i jakinarazi dionez.
14:30 aldera izan da ezbeharra aipatu errepidean, Gurutzetako noranzkoan, eta bi errei itxi dituztenez, 15:00etarako sei kilometrora iristen ziren auto-ilarak.
Dirudienez, lau autoren arteko txapazko instripu bat izan da eta inor ez da larri zauritu.
Hau zure interesekoa bada, baliteke beste gai hauek ere izatea