32 urteko gizonezko bat hil da Amurrion izan den trafiko istripuan

32 urteko gizonezko bat bat hil da gaur arrasaldean Amurrion izan den trafiko istripuan. Auto batek eta kamioi batek elkarren kontra jo dute A-624 errepidean. Kolpearen ondorioz, autoaren gidaria lekuan bertan hil da.

15:50 inguruan izan da ezbeharra, Artziniegako noranzkoan. Kamioiaren gidaria Gurutzetako Ospitalera eraman dute zauriekin.

Ertzaintzak jakitera eman duenez, bidea itxita egon da bi noranzkotan, eta auto ilara luzeak sortu dira.