Hegazkin bat urgentziaz lurreratu da Bilboko aireportuan, kabinan kea atzeman ondotik

Lisboa-Paris bidea egiten ari zen Easyjet airelineako hegazkin batek larrialdiko lurreratzea egin behar izan du ostegun honetan Bilboko aireportuan, pilotuak irrati bidez laguntza eskatu ostean, kabinan kea antzeman baitu.

Aparatuak 12:00ak aldera hartu du lurra, baina ez da inor zauritu. Barruan 141 pertsona zihoazen, aireportuko iturriek adierazi dutenez. Suhiltzaileak bertaratu dira eta 112 zenbakira ere deitu dute, protokoloak hala agintzen baitu.

Une honetan bidaiariak Bilboko aireportuko terminal batean daude berri gehiagoren zain, eta, hegazkina, berriz, 'Airbus 320'a, pistan dago.