Gizartea -
OCU-ren txostena
Hojiblanca enpresak OCU salatuko du olioaren polemikaren ondorioz
OCUk kaleratutako ikerketan 40 oliba olio marka aztertu dira, eta horietako hamaikak bezeroa engainatzen dutela ondorioztatu dute.
Erredakzioa
Hojiblanca enpresak (Antequera, Malaga) salaketa jarriko dio OCUri azken horrek bere olioa kalitate txarrekoa dela ondorioztatzen duen txostena kaleratu ostean. Txosten horri dagokionez, OCUk prozedura legalak bete ez dituenaren frogak dituela bermatu du Hojiblancak.
Horrela aurreratu du Antonio Luque Hojiblancako zuzendari orokorrak, bere ustez, "OCUk ez baititu Europar Batasunak ezartzen dituen prozedura legalak bete, adibidez, iritzi gehiago kontsultatzearena". Hori dela eta, "oso aserré" agertu da.
"Okaranak ezin dira meloiekin alderatu"
Bere ustez, ez da soilik legaltasuna urratzen, baizik eta OCUk "modu alderdikari batean" egin du azterketa, eta horren ondorioz enpresa horren menpe dauden 55.000 familiek kalteak jasan ditzakete.
Zentzu horretan, "okaranak meloiekin alderatu ezin direla" adierazi du, "ez baita berdina lantegitik atera berri dagoen olioa edo hainbat hilabetez dendan dagoen olioa aztertzea".
