Indarkeriak gora egin du Libian, Gobernuaren kontrol ezari esker

Gaur goizean koheteak jaurti dituzte Benina aireportuan, Bengazi (Libia) hiriko nazioarteko aireportuan, egin duten erasoan, Armadako eta Segurtasun Indarretako iturriek jakitera eman dutenez.

Horrez gain, eraso gehiago ere izan dira hiriko beste toki batzuetan, baina agintariek oraindik ez dute biktimen balantzerik jakinarazi.

Libiako Gobernuak larunbatean iragarri zuen Beninako aireportua 48 orduz ixteko asmoa zuela segurtasun arazoengatik, ostiralean borroka gogorrak izan zirelako. Izan ere, 43 pertsona hil eta ehun inguru zauritu ziren.

Jalifa Haftar jeneral "arnegatua"ren indarrek Ansar al Shariako basea bonbardatu zuten, Al Kaidari lotutako gunea, eta beste talde islamista batek militarren kontrako erasoak egin zituen.

Libiako Gobernuak ezin du herrialdea kontrolatu. Armada oraindik entrenatzen ari dira, eta, matxinoez gain, Gadafiri aurre egin zioten milizianoen kontra ere egin behar dute; izan ere, uko egin diote armak uzteari, eta askotan Estatuaren kontra ere egiten dute.

Igandean, Haftarren agindupeko soldaduek Parlamentuari egin diote eraso, eta segurtasun indarren kontra egin dute. Milizianoak Parlamentuan sartu ziren, eta, su eman ostean, alde egin zuten.