Susmagarri bat hil da Bruselan, operazio antiterrorista batean

Susmagarri bat hil da eta lau polizia zauritu dira Bruselan, hainbat ordu iraun duen terrorismoaren aurkako operazio batean. Sarekada batekin hasi da operazioa, eta hainbat tiroketa jazo dira horren ostean.

"Poliziek apartamentu bateko atea jo dute, barrutik tiroak bota dizkiote. Zenbait agente arin zauritu dira", esan du Eric Van Der Sypt Belgikako Fiskaltza Federaleko bozeramaleak.

Tiroketa barruti bateko hainbat tokitan jazo da, susmagarrietako bat edo batzuk Drise kaleko toki batean babestu diren arte, RTBF Belgikako irrati telebista publikoaren kontaketaren arabera.

Belgikako Poliziak abiatutako polizia operazioak Parisko atentatuekin lotura izan du. Aipaturiko atentatuan Bruselako Moleenbeek auzoan bizi ziren gazte batzuek parte hartu ei zuten, tartean, atentatuez geroztik ihes eginda dagoen Salah Abdeslam.

Polizia batek RTL telebista kateari baieztatu dioenez, tiroketa Bruselako Dries kalean gertatu da 14:45ean.