Mundua -
Pukhrayanen
140tik gora hildako izan dira Indiako tren istripuan
Konboiaren bagoi batzuk errailetik irten dira Uttar Pradesheko estatuan, 220 zauritu ere utziz.
Agentziak | Erredakzioa
Gutxienez 142 pertsona hil dira eta 200 lagun inguru zauritu dira tren baten bagoia errailetik irten ostean, Pukharanen, Uttar Pradesheko estatuan (India), igande goizaldean. Hildako gehienak lotan zeuden istripua gertatu denean.
Kanpurreko barrutiko Poliziaren komisariorde Pavitra Mohan Tripathiren arabera, gorpuen indentifikazio lanak oso zailak izaten ari dira, hildako asko bagoien arteko talkak zanpatuak izan direlako. Indore-Patna Express trenaren 14 bagoi izan dira tartean.
Oraindik ez dute zehaztu istripuaren zergatia, Indiako trenbideen elebidun baten arabera. "Legearen barruko ekintza irmoenak burutuko ditugu istripuaren erantzuleen aurka", esan du Trenbide Ministro Suresh Prabhuk.
Indiako trenbide sarea munduko laugarren luzeena da, 65.000 kilometrorekin. 23 bat milioik erabiltzen dute egunero. Txosten baten arabera, 2014an 28.360 istripu egon ziren Indian trenbide sarearekin erlazionatuta, eta 25.006 pertsona hil ziren.
