Mundua -
Ezbeharra
Gutxienez 36 pertsona hil dira Egipton izandako tren istripu batean
Tren batek beste baten aurka talka egin du Alexandrian, Egiptoko kostaldean.
AGENTZIAK | ERREDAKZIOA
Gutxienez 36 pertsona hil dira eta 123 zauritu Alexandrian (Egiptoko kostaldea) izandako tren istripu batean, iturri ofizialek jakinarazi dutenez.
Ezbeharra Abis herriko geltokitik gertu jazo da. Bertan, Kairo-Alexandria bidea egiten ari zen tren batek talka egin du Port Said-Alexandria lineako trenarekin.
Horren ondorioz, lehen treneko lokomotora eta bi bagoi irauli egin dira.
Nabil Sadiq herrialdeko fiskal nagusiak ikerketa abiatu du, istripua zerk eragin duen argitzeko.
Gaurko tren istripua Egipton 2012tik izandako larriena da. Orduan, 51 pertsona hil ziren, gehienak umeak, eskola autobus batek eta tren batek talka eginda.