Gutxienez 17 palestinar hil ditu Israelek Zisjordanian azken 48 orduetan egindako erasoetan

Gutxienez 17 palestinar hil ditu Israelek Zisjordanian azken 48 orduetan egindako erasoetan: horietako bi Hebron hiritik gertu hil ditu Armadak igande goizean; beste 14, Tulkaremen, eta azkena, kolonoen eraso batean zendu da, Nablus hegoaldeko herrixka batean.

Lehen erasoaren berri Israelgo Armadak berak eman du. Horren arabera, palestinar bat soldadu bati labankada bat ematen saiatu da Beit Einunen, Hebrondik hurbil, eta beste batek tropei tiro eman die. "Gure soldaduek aurre egin diete bi erasotzaileei. Medikuen arabera, biak hil ditugu", zehaztu dute indar armatuek. Israelgo Armadaren hitzetan, bere soldadurik ez da zauritu.

Gaza erasopean dagoenetik (2023ko urriaren 7a) Israelgo Armadak bertan egindako erasoaldi gogorrenetakoa da egunotakoa.

Mediku taldeek atzo gauean lortu zuten kanpamentura sartzea, Israelgo tropen zati batek handik alde egin ostean, Wafa albiste agentziak jakinarazi duenez.

Israelek bukatutzat eman du operazioa

Israelgo Armadak amaitutzat eman du duela bi egun pasatxo Nur Shamseko errefuxiatu eremuan, Tulkaremen (Zisjordania), hasitako operazioa.

Iturri horrek baieztatu du bederatzi militar eta mugako polizia bat zauritu direla harrezkero, eta zauritu arinak nahiz larriak daudela tartean.

Erasoaldiaren aurrean protesta egiteko, Zisjordanian eta Jerusalem Ekialdean bizi diren palestinarrek greba eguna dute gaur.